O‘zbekiston Respublikasi qonunlari, O‘zbekiston Respublikasi Prezidenti farmonlari va farmoyishlari, Yangi O‘zbekistonning Taraqqiyot strategiyasi, Oliy Majlis va Vazirlar Mahkamasining ta’lim va tarbiya sohasidagi qarorlarini amalga oshirishni tashkil etish.

Yuqori tashkilotlarning buyruqlari, farmoyishlari va ko‘rsatmalarini, moliyaviy jarayonlarga oid masalalar bo‘yicha ijtimoiy majburiyatni olishi, OTM Kengashi qarorlari va rektor buyruqlarining ijrosini tashkil etish.

Mutasaddi yuqori tashkilotlarning buyruqlari, farmoyishlari va ko‘rsatmalarini, moliyaviy jarayonlarga oid masalalar bo‘yicha OTM Ilmiy kengashi qarorlari va rektor buyruqlarining bajarilishini tashkil qilish.

Faoliyat yo‘nalishi bo‘yicha takliflar tayyorlash va ishlarni tashkil etish.

Ijro intizomini buzgan xodimlarga nisbatan choralar ko‘rish, ular bilan shartnomani bekor qilish bo‘yicha takliflar tayyorlash.

Oliy ta’lim muassasasining moliyaviy-iqtisodiy faoliyatini samarali tashkil etish, mablag‘lardan oqilona foydalanishni ta’minlash va moliyaviy barqarorlikni mustahkamlash.

Ilg‘or mamlakatlar moliyaviy tizimining rivojlanish tendensiyalarini o‘rganish va ularni tashkilotda joriy qilish, “Ta’lim to‘g‘risida”gi qonun va boshqa moliyaviy masalalarga oid qonunlarda ko‘rsatilgan vazifalarni amalga oshirish borasidagi uslub va vositalarni ishlab chiqish hamda ularning amalga oshirilishini ta’minlash.

OTMning moliyaviy siyosati va iqtisodiy rivojlanish strategiyasini ishlab chiqish va amalga oshirish.

O‘rnatilgan tartibda oliy ta’lim muassasasining sohasi bo‘yicha yillik reytingini aniqlash, tahlil qilish va faoliyatni takomillashtirishga oid ishlarni amalga oshirish.

Iqtisodiyotni erkinlashtirish sharoitida oliy ta’lim muassasasining moddiy-texnik bazasi holatini o‘rganish, uni rivojlantirish yuzasidan chora-tadbirlar ishlab chiqish va bajarilishini nazorat qilish.

Davlat budjeti, to‘lov-kontrakt, grantlar, xo‘jalik shartnomalari va boshqa manbalardan tushadigan mablag‘larni rejalashtirish.

Yillik va istiqbolli budjetlarni shakllantirish hamda ularning ijrosini ta’minlash.

Talabalarni to‘lov-kontrakt asosida o‘qitishdan tushgan budjetdan tashqari mablag‘lar va boshqa maxsus budjetdan tashqari mablag‘larni shakllantirish.

Davlat budjeti, talabalarni to‘lov-kontrakt asosida o‘qitishdan tushgan va tadbirkorlik asosida topilgan mablag‘larning daromadlar va xarajatlar smetalarini ishlab chiqish, Moliya vazirligidan ro‘yxatdan o‘tkazish uchun tegishli vazirlik va idoralarga taqdim qilinishini ta’minlash.

Oliy ta’lim muassasasining xarajatlar smetalari bajarilishi, moliyaviy-xo‘jalik faoliyati va valuta operatsiyalari hisobining yuritilishini nazorat qilish.

Oliy ta’lim muassasasining mavjud moddiy-texnik bazasi imkoniyati doirasida qo‘shimcha pullik xizmatlarni (noshirlik, maishiy xizmatlar, pullik o‘qitish kurslari, ijara, homiylik, dividend va hokazo) yo‘lga qo‘yish orqali budjetdan tashqari mablag‘larni jalb qilishni kengaytirish hamda shu orqali barcha xodimlarni moddiy rag‘batlantirish yuzasidan takliflar ishlab chiqish.

Investitsiyalar jalb qilish bo‘yicha faoliyatni tashkil etish.

Budjet va budjetdan tashqari mablag‘lardan, shuningdek, kommunal xizmat turlaridan oqilona va tejamkorlik bilan foydalanish yuzasidan chora-tadbirlar ishlab chiqish, tashkilot uchun qilinadigan sarf-xarajatlar hamda amalga oshiriladigan barcha turdagi to‘lovlar va ularning bajarilishini ta’minlash.

Buxgalteriya hisobi va moliyaviy hisobotlarning to‘g‘ri yuritilishini nazorat qilish.

Xarajatlarni maqbullashtirish va iqtisodiy samaradorlikni oshirish choralarini ishlab chiqish.

Moliyaviy intizomni mustahkamlash va ichki nazorat tizimini rivojlantirish.

Shtatlar, budjet va hisob intizomiga to‘g‘ri rioya qilinishini hamda buxgalteriya hisobi va hisoboti nazoratini tashkil qilish.

Buxgalteriya, iqtisod, rejalashtirish, ta’minot va xo‘jalik bo‘limlari faoliyatini muvofiqlashtirish.

Xaridlar, tenderlar va shartnomalarning iqtisodiy asoslanganligini ta’minlash.

Asosiy vositalar va moddiy boyliklar hisobini yuritish hamda ularning saqlanishini nazorat qilish.

Moliyaviy-xo‘jalik faoliyati bo‘yicha tahlillar o‘tkazish va rektorga hisobotlar taqdim etish.

Tekshiruv va audit jarayonlarida ishtirok etish.

Oliy ta’lim muassasasining pedagog kadrlari va xodimlari mehnatiga haq to‘lash sharoitlarini yaxshilash, buxgalteriya hisobi va hisobotini rivojlantirish yuzasidan chora-tadbirlar ishlab chiqish va ularni o‘rnatilgan tartibda amalga oshirish.

O‘quv xonalaridan unumli foydalanish, auditoriya va laboratoriyalarni texnik jihozlashni takomillashtirish masalalarini ishlab chiqish.

Moddiy-texnika bazasini rivojlantirishga qaratilgan iqtisodiy chora-tadbirlarni tashkil etish.

“Yashil makon” umummilliy loyihasi doirasidagi ishlarni, qurilish, ta’mirlash, obodonlashtirish va ko‘kalamzorlashtirish faoliyatini tashkil etish, boshqarish va muvofiqlashtirish.

Oliy ta’lim muassasasining o‘quv-laboratoriya binolari, talabalar turar joylari hamda boshqa yordamchi bino va inshootlarni kuz-qish mavsumi va yangi o‘quv yiliga tayyorlash yuzasidan chora-tadbirlar ishlab chiqish va ularning bajarilishini ta’minlash.

Mavjud bino va inshootlarni rekonstruksiya va kapital ta’mirlash ishlari loyiha-smeta hujjatlarini ko‘rib chiqish, shartnomalar tuzish, bajarilgan ishlarni qabul qilish va sifatini nazorat qilish.

Oliy ta’lim muassasasining moddiy-texnik bazasi holatini o‘rganish va uni rivojlantirish yuzasidan ishlab chiqilgan chora-tadbirlarning bajarilishini nazorat qilish.

Oliy ta’lim muassasalarining pedagog kadrlari va xodimlari oylik maoshlari hamda talabalar stipendiyalarining o‘z vaqtida to‘lanishini ta’minlash.

To‘lov-kontrakt asosida o‘qiyotgan talabalardan o‘qish uchun to‘lovlar tushishini nazorat qilish.

Oliy ta’lim muassasasini o‘rnatilgan tartibda doimiy ichki attestatsiyadan o‘tkazish, tashqi attestatsiyaga tayyorlash va uni o‘tkazishda faol ishtirok etish.

Ish beruvchi nomidan barcha xodimlardan sodir etilgan holatlar yuzasidan tushuntirish xati olish.